Detyrat dhe përgjegjësitë:
- Regjistrimi dhe kontrolli i gjithë dokumentacionit për faturat e aseteve dhe inventarit, si dhe rakordimi me librin e blerjeve.
- Kontrolli dhe lëshimi i faturave të fiskalizuara të importeve në selfcare.
- Rakordimi me furnitorët si dhe përgatitja e transfertave.
- Regjistrimi dhe kontrolli i gjithë dokumentacionit të magazinës; fletë hyrje dhe fletë dalje.
- Kontrolli i çdo lëvizjeje aseti dhe inventari në kontabilitet.
- Kontabilizimi i situatave të rrjetit.
- Kontrolli i faturave të shitjes së pajisjeve.
- Kontrolli i llogarive që kanë lidhje me asetet dhe inventarët.
- Kryerja e inventarit fizik 6 mujor apo 1-vjeçar dhe kontrolli me atë kontabël.
- Ndjekja e amortizimit të aseteve dhe përgatitja e inventarit të 3-shave për tatimet.
- Mban dhe administron dokumentacionin financiar në lidhje me detyrat që mbulon.
- Kryen çdo detyrë tjetër të kërkuar nga eprorët e saj/tij brenda departamentit të financë-kontabilitetit.
Kriteret dhe Kualifikimet
- Të ketë mbaruar arsimin e lartë, dega Financë.
- Të ketë eksperiencë pune në kontabilitet.
- Të ketë njohuri shumë të mira të paketës Microsoft Office, veçanërisht Excel.
- Të dijë të përdorë programin Financa 5.0 ose çdo program tjetër financiar.
- Të jetë korrekt, i mirëorganizuar dhe i/e saktë.
- Të organizojë dhe kryejë disa detyra njëkohësisht.
- Të jetë i/e komunikueshëm.
- Njohja e gjuhës angleze përbën avantazh.
- Të ruajë konfidencialitetin.
Të gjithë të interesuarit, janë të lutur të dërgojnë CV nëpërmjet adresës së e-mailit hr@digicom.al
* Vetëm kandidatët e përzgjedhur do të kontaktohen.
* Të gjithë aplikimet do të trajtohen me konfidencialitet sipas ligjit Nr. 9887 mbi “Mbrojtjen e të dhënave personale”.
